鍾意左同班女同學!

ken00123

我今年讀中六!

    上年12月，因為發生左D事，發覺自己原來真係鍾意左個同班女同學，之後可能我太心急，而且冇經驗，係一月頭就係MSN到同左佢表白，結果當然係失敗左，我諗返轉頭，的確係冇咩誠意，自此之後，我地維持好朋友關係，佢亦冇刻意被開我。

    我雖然好傷心同心痛，又因為咁而喊過，但我絕冇想過要放棄，我宜家只係想維持好朋友關係一段時間，期間會多D關心佢，亦想暗示我依然鍾意佢，但我唔知應該點做好...

    由於宜家已經係中六了，差唔多要考公開試，為左唔想影響佢，我想考完試之後先再作一次有誠意嘅表白，我會預備一份獨一無二嘅小禮物、親手寫信加上親口向佢表白，希望打動到佢，咁樣有冇問題？

    最後我對呢件事有D感想，雖然我第一次經歷呢D事，但愛情嘅魔力真係大，令我好想為佢做好多野，另外我覺得呢個係上帝俾我嘅考驗，一個時間嘅考驗，要我過左個公開試先可以再表白，真係忍得好辛苦...

ken00123

我覺得你表白完佢都冇避你應該係仲有機會既,
你應該keep住同佢傾多d計,送下小禮物俾佢啦,
如果你又拖到考完 ...
TｉｎG` 發表於 25-1-2012 01:42

我怕會影響我地嘅心情...