本帖最後由 tonyleung619 於 25-9-2013 14:30 編輯
第一次係度出千字文,希望大家多多包涵
話說CSO改左版,之前收到風話會出賓果活動,所以草左D錢去同橙仔拼過!
當然只此一次,下不為例(我成日都同自己咁講...但每次都....)
第一張圖比大家睇下我準備左幾多點同橙仔死過
先黎100個A解9抽.......
粗糙估計哩把野用左大約70個解碼器就中左,其實我中左都唔知...
血拚左300個A解,賓果清晒是常識吧......其實獎品幾滿意(因為一開波我用左19點重置晒D獎勵,原本係冇咁多永久槍獎勵><)
哩把野,上次賓果已經中左...可以無視
除左賓果既獎品令我有D老懷安慰之外,今次都幾好彩中到D金勳,銀勳,仲有無數銅勳同埋垃圾......
總結一下:
手槍組今次中左榴炮
散彈組中左黃金惡魔
步槍組中左黃金STG44,蛇姬,古典黑幫....
機槍組中左聖誕火神(火神系列齊晒- -),M60E4,MG3
至於兵種果度,中左安娜(普通版同埋世足版),伊琳娜,崔智云....大家見到唔係永久既兵D使用期限去到下年4月就知道有幾慘烈.....
血拚賓果小總結:
9抽左300個A解,係冇任何跟抽既情況下中D咁既野,我唔知值唔值....因為9抽既關係,我完全冇睇自己中既係咩,只係聽聲同埋睇番條水蛇春咁長既系統公告先知自己中咩獎,所以我只能係個人狀態CAP圖SHARE俾大家睇無論點都好,我只係知道哩個情況真係可一不可再
其實抽左咁奈C-BOX,我都係想要把準雷姐,點解咁都唔俾我中一次
我宜家仲有778點係度,大家覺得我認唔認該繼續沉淪,買多少少點一次過抽50個搏把準雷,定係放下C-BOX,唔再9抽?
抽完D 解碼器當然去試下新場,開頭聽官網話隻BOSS會生吞玩家,好驚隻野會好似上一章隻雪魔神咁煩膠,點知個地圖原來好正,
希望大家唔好介意我淨用文字評述,其實大家最緊要飛上天花板上面,痴住果兩條橫樑打,一般黎講可以睇到晒BOSS D慢吞吞既動作,虫仔唔會食到咁應,佢DUM地都唔會俾佢震落地,同埋佢出吸人果招旋風都可以好大機會避到,雖然我成日俾佢吸,但都係跌番落地,馬上可以去禁E上去再打過注意禁E果陣唔好俾D 屍仔埋身,如果唔係就會有偏差,上唔到去天花之餘仲分分鐘跌死自己LOL.....其實最安全我覺得係地下打,因為BOSS吞唔到你,D虫仔又淨係係空中飛,唯一扣到你血就係佢放屁(毒氣),但走角位一樣好易避,總括黎講哩隻BOSS好好打,我同團友一齊打用16-17分鐘就可以砌低哩隻「肥豬王」
最後一張圖,哩張係我第6次打新BOSS果陣影既,拎住把弓打到哩個數值都覺得好開心,所以我同自己講「冇準雷唔使驚,有弓就得啦!!」
今次分享到哩度,希望大家會鐘意,UP圖打字諗野都打左成45分鐘-3-
P.S 題外話,想讚下CSO個抓錢活動同今次賓果夾得幾好,得我地哩D唔想晒點係買升級零件既玩家可以升下+8槍
吐糟一下,JANUS-5唔太好用....有D失望 |