(轉貼)教你怎麼贏(how to win!!!).........

smallo.o

我都主張快行，太好了找到知己><

yathsing

10# smallo.o


係直路追唔到人就要掟石

唔係就只有食子彈了

塵酷難

今次分享一下個人infected 意見同玩法 (唔知點解好似無乜人討論咁)


Boomer:

正如文章所講, boomer 往往係infected 成敗得失ge 關鍵

假如做boomer 果個做得唔好, 你都唔好諗住可以俾survivors 一個重挫

不過佢話做boomer 要埋伏好, 個人就有d 保留

埋伏有個唔好處, 就係因為boomer 乜都唔做都會有聲

老手玩家絕對可以從聲音就知道boomer 位置, 最起碼都分別到隻boomer 係左定右

剩係本人都試過唔少次穿牆爆boomer

即使佢地唔知boomer係邊, 假設佢地合作度高的話

佢地可以搵一個做探路, 一俾boomer嘔中先殺boomer, 再回後等隊友解圍

唔好以為其餘 3隻infected 可以借勢抽水, 若然survivors 真係咁做ge 話果3 個一定一早守好對自己有利ge 位置


個人認為做boomer, 要做到一重生, 就即刻出去嘔人

唔需要離survivors 太遠, 只要係佢地附近搵到位可以重生就即刻衝出去嘔

有樣野要留意ge, 就係話假如survivors 係d 樓梯位, 又或者好似no mercy 第二關果d 火車入面

你要等佢地出左黎, 離樓梯火車一段距離先好嘔

因為係呢種情況低下, 我俾你嘔中四個都係毫無意義, 事關zombies 只能從2 個方向攻

除非果4 個survivors 係noob, 否則佢地2 人守一面zombies 絕對傷害唔到佢地



Smoker:

個人最唔擅長同最討厭做 (唔好同我講埋d 咩狂捉就係王道呢d 廢話, 鬼唔知呀媽係女人)

因為有d 地圖低下, 做smoker 真係做唔到太多野 (e.g. No mercy 第四關)

做smoker 不外符, 從高地(減少被打機會), 低地(拖時間), or 後面(拖時間) 攻擊, 切忌從正面攻擊

順帶一提假如你從低地捉人, 而survivor 離地面太高的話, 係你捉到佢落黎果下係會扣血的, 當然要視符本身survivor 離地面有幾高

個人認為做smoker 係以拖延survivors 為主, 例如有人想救無行為能力果d, 你即刻捉佢, 或者有陣時survivors 上梯果陣, 睇定機會捉最後果個




講住2 隻先, 趕住去開波

同埋我想問有乜方法拍影片, 或者我可以整番個versus no mercy教學

thectc

雖然是轉貼，但有大多point是我一直常對大眾說的話。

首先，文章首先把campaign同versus分開來說，我也一樣先說expert難度。

Expert，究竟有咩會難到人呢?
我玩開vlan，我就講下vlan的朋友們有什麼弊病。

1.        不留意隊友有否被special infector捉住
玩過expert都知道，hunter同smoker扣血的速度真係開水喉咁款。救隊友是極其重要的，一隻hunter撲上來沒五秒就把你姦死了。
老實說我也不明白，為什麼大家可以對隊友被捉住了卻可以視而不見 :
第一、        被hunter、smoker捉住了，會有對應的背景音樂
第二、        若隊友倒下了，左上會有紅字句出現
很多玩家從advance升上來沒有把” 我要經常留意隊友” 這句話放在心，我可以好肯定跟你說一句 : 你一日不做好這一點，你也別想可以四人順順利利過關

2.        TK
expert的玩家扣血很快的原因也是隊友。散彈一下子射底人不講了、機槍一個不留神也能把隊友由綠轉紅。
在這裏我有幾句一定要講出來 :
        1.拿散彈的別去射救隊友
被喪屍打一下扣20血，但你一射就把他射底了，即使不把他射底也絕對會令他扣多過20血，那你怎樣揀?
        2.常用右鍵
右鍵也是推打，不但不會對隊友做成傷害，只要一堆被hunter或是smoker捉住的人就能夠馬上把他救回來。所以下次見到隊友被hunter或是smoker捉住，永遠都是先推後射。
推屍也是十分重要，剛才都說了一打扣20血，要善用右鍵來推鬼，猛推的話的確可以做到即使有十隻鬼埋身都可以一血不扣。
3.        molotov同pipe bomb亂丟
molotov基本上是對tank神兵，想遇到expert tank而可以沒有人死去也就靠這個了。行動中至少要留一個，別亂丟。
Pipe bomb.. 文章上說得很正確。Incoming attack來的時候，其實並不一定要用pipe bomb。留在被bomber嘔中後，或是要過一條很空廣又多屍的路時用(尤其是dead air – chapter 3去停車場前的一段路)。

還有一些對bomber技巧、救藥包、藥丸等…文章都說得很清楚我都不多說了。
至於versus，我想最大的話題還是生存者該不該猛衝吧?
其實campaign同versus，大家可以將之視為兩隻不同的遊戲。因為所需的技巧實在差太遠。

我是支持猛衝的。

理由，文章都說得很清楚，我也有很深的同感:
        做生存者，應盡量把完結卡關時間縮到最短。時間愈久，也即是infector、incoming attack出現的次數也就愈高，這一定是對生存者無好處可言。

文章一句 : “你多打幾隻infector又不會有分加。” 這句很到點，行得愈慢只會增加受傷害的機會。

        另外，玩家們當infector時都有一個我認為不太好的習慣 : 常常想從後襲擊。如果生存者都猛衝的話，再加上關門(例如在醫院裏) 想後襲而已經出身了的infector跟本就是沒有威脅。

其實所謂猛衝，並不是真的除跑之外什麼也不做。武器，若果在視線之內出現當然可以拿，要進房找的就不要了。基本上也是以快為主，不必要的就不要拿。

另，武器最好拿連散，一來清近能力乃全武器最高，救人用右鍵就可以了，另一最大好處就是，打tank神兵。四支連散一齊向tank射擊，可以造成你想也想不同的效果。

infector們…tank一說也是非常到點。
tank並不是一個可以打死四個的角色，而是” 打散他們” 為任務，此時，其他三個special infector才是最重要。兩個hunter一個smoker，一人一個就三件了。這當然是個理想說法，不過當infector時應該朝住這個目標走。

最後，請各位對expert感到困難的玩家們可以認直地看看樓主篇轉貼，真的很有用。

(以上全部原創 by thectc)

monsterhk

估唔到呢到會有咁多人發表偉論,教人打機
以自己既經驗黎玩咪仲好過睇呢d''高手''寫文

塵酷難

估唔到呢到會有咁多人發表偉論,教人打機
以自己既經驗黎玩咪仲好過睇呢d''高手''寫文
monsterhk 發表於 12-1-2009 22:07

\

無乜野ge, 大家分享下遊戲心得only (若然唔係開個討論黎做乜)

有d 打機白痴打左2,3 個月都不如一個只係打左2, 3個星期ge 新手

monsterhk

\

無乜野ge, 大家分享下遊戲心得only (若然唔係開個討論黎做乜)

有d 打機白痴打左2,3 個月都不如一個只係打左2, 3個星期ge 新手
塵酷難 發表於 12-1-2009 22:16

咁又係, 你寫d野都幾有point, d新手值得一睇
最怕有d post 睇左等於冇睇

塵酷難

Hunter:

拿~ 千奇唔好問我點樣下下25, 事關我都唔識 (個人最高記錄只係試過22)

查實跳方面我都無乜心得可言, 事關我只不過係亂跳, 我連反彈跳牆都唔係好識

所以係跳方面我唔多講, 我分享一下偷襲心得

先講講hunter 特性, hunter 除左按ctrl 準備跳同俾火燒緊之外, 係唯一一隻唔會發出聲音ge infected

而且行動力係最快 (好似俾綠血ge survivor 行得仲要快), 單一攻擊力(即係按右鍵) 亦好似係除左tank 之外, 攻擊力最高ge 一隻(由於個人無認真研究過, 所以只能用"好似" 呢d字眼)


因此, 我地應該好好咁善用hunter ge 優點, 對survivor 作出出奇不意ge 偷襲

個人認為基於某種情況低下, 偷襲/ 單一攻擊比撲人更為有用


例如等少血, 即係接近無行為能力ge人, 係佢同佢隊友唔留意之下, 即刻衝埋去打到佢無行為能力

查實你預左係9 死一生, 咁做最主係為左幫自己隊友拖重生時間/ 俾時間隊友去prepare 下一輪攻擊

同埋若然呢次係佢第二次無行為能力, 佢hp 再去到零就可以解決佢


係某d map, 例如no mercy 第四關, 嗜血第二關一開始等等d building 位

survivors 係building 入面, 行動範圍並唔係十分廣, 同時亦比較難分散佢地

除非真係有人單獨行動, 否則真係好難用撲黎俾個重挫佢(因為實會好快有人救)

橫死掂死, 倒不如試下靜靜雞偷打下佢, 扣得幾多得幾多


由於每場變數係十分之大, 我好難再用文字去舉例咩情況下應該用撲, 咩情況應該下用打, 呢d 全靠各位自己經驗

打呢片野最主要係想提提d 新手, hunter 除左撲之外, 仲有令一個玩法



趕住去訓, 遲下先再打埋tank ge 個人建議

塵酷難

咁又係, 你寫d野都幾有point, d新手值得一睇
最怕有d post 睇左等於冇睇
monsterhk 發表於 12-1-2009 22:23

有陣時我睇d 所謂ge 教學, or 遊戲心得 (雖則我唔係睇過好多)

太多數文章都有個通病, 就係成片只不過係講d 好basic ge 野, 又或者將一d 人所共知ge 事重複又重複

好似樓主呢片, expect mode第8 點

8.隊友無法行動時，請先把他身旁的感染者清掉再救，如果同時兩個以上無法行動，請先救快沒血那個，這件事讓我印象非常深刻，某次我和一名隊友因為TANK倒地，之後TANK死了，我視線也越來越暗，我用MIC狂喊：「先救我啊！」，結果天兵隊友竟然先救離他比較近的，而不是救血比較少的，之後我就這樣死去了T_T。


老實講, 呢一點由我第一日玩L4D 我已經知, 而且佢地仲要係玩緊expect, 即係起碼玩左呢隻game 一段時間吧?

發生D 咁ge 情況一係佢隊友無睇清楚, 再唔係佢隊友係白痴



個人認為若然要寫一片心得, 一定要著重係一d 新手經常會犯ge 錯誤去講解

帶出點解唔好咁做, 咁做會有乜後果, 應該點先可以做得更好 eg. 我寫果片boomer

M.Yin

多謝分享^^幾詳細,唔錯,對d新手黎講好有幫助