關於遊戲內掛對毒宗不公平之處...毒宗請入....

pau_2000

內掛對主要用內功攻擊的毒宗非常不公平...
遊戲為毒宗設計成10lv就可以使用神獸而且神獸有一招天生技是為是加防的,
我相信這是跟因為毒宗攻擊力低,用魔量大和(低防低血)<-----主要 有關的,
為毒宗們做一個最佳的肉盾.
但是遊戲把內掛計設成毒宗們使用天魔功等遠攻法技還是會自動使用普通攻擊的...
可恨的是毒宗的普通攻擊是近戰的哦!!!
可憐的毒宗就傻傻的自動走上給怪物任打...
那不就時失去了完本設計出這隻肉盾的原意???
因此我希望官方能改善內掛的這個不完善之處,
也希望各位玩家響應,支持這個建議!!!
如果認為合理的話,請回覆支持我!!!
(希望置頂)

MiChing

內掛對主要用內功攻擊的毒宗非常不公平...
遊戲為毒宗設計成10lv就可以使用神獸而且神獸有一招天生技是為是加防的,
我相信這是跟因為毒宗攻擊力低,用魔量大和(低防低血) ...
pau_2000 發表於 16-8-2009 02:24

身同感受
你入game同gm反映下

chsl1011

我都是毒宗，好明白你指的是什麼問題~~
我之前不會用天羅傘，用過之後都覺得好無奈。
毒宗本身血少物理防同近攻攻擊力好低，因為好多技能都是遠攻而且是內功傷害，所以我玩全精神(否則全力我不如玩武宗)。我的神獸都是加盡防的，就是為左保護防低的主人(我)。多數都是等神獸先去打怪，自己遠遠用天魔功"慢慢一下一下"打怪(需然天魔功更新之後快返少少)。
天羅傘唔理點教都好，就算我話一開始用天魔功打怪，自己都係自動要走到隻怪身邊用爪打幾次，然後係怪面前用天魔功，我想問咁天魔功為咩事要有800可行距離? 隻怪次次都係打我，好似我保護返隻神獸轉頭，自己做左神獸隻神獸!
我用內掛都係唔放心，所以都只可以掛一些比自己等級低很多的怪，冇辦法，鬼叫自已死都鍾意行到隻怪面前咀對咀咁用遠距離招咩@@"

仲有招放毒，我又係好無奈，招赤煉爪都好過佢(每"2"秒傷害一次，而且都比放毒多)。放毒就要3秒一次傷害，但係每次傷害都好低，升爆都得廿幾氣血，你話可以重疊3次，不過我放3次毒用既時間都夠我出2次天魔功，傷害值仲多仲即時。更加唔好話用果招"毒功反饋"  mp用量高， 連同放3次毒用的mp量，起碼夠我出3次天魔功，而且3次天魔功的傷害值會比慢慢等3秒一毒的傷害更快。

人地 劍刀腿槍 係五色堂打怪殺一隻都唔駛7-8秒，8秒，我3秒先一下你話可以毒到幾多次。所以除左打王我會用放毒外，打怪都絕少用，因為浪費mp，"毒功反饋" ?直頭唔想放係快捷鍵，因為浪費位置。

建議:
天羅傘:
1. 可以選擇會否用普通攻擊 / 全技能打怪，不強行要移動到怪面前
2. 調息時可以選擇當hp / mp其中一樣回滿時可以繼續打怪
3. 可以選擇是否用神獸補助技能
4. 神獸血量過低時吃藥 / 用神獸技或主人技補血

毒宗:
1. 改善"地獄毒功"威力，由每次3秒改為最多2秒一次毒
2. 降低"毒功反饋"mp用量及冷卻時間
3. 施放"地獄毒功"及"赤煉毒爪"即時附加一定的內功傷害(不要只是給異常狀態慢慢等毒)
4. "五毒爪"鰭鱗爪"挖心爪"的功用適用於天魔功

聲明: 我無意冒犯其他職業的玩家，只是要講出天羅傘同毒宗的問題

×墮○天使

對上一樓既同志講既感到嚴重既同意!~
個天羅傘對毒宗黎講完全好似不知所謂~
用左既話 對我地呢d低防既災難~~
如果俾我手控唔洗晒1滴血咁打怪
因為我隻神獸幫我一直頂怪!~
仲有d招我就唔多講...做咩個天魔功可以出得咁慢...
毒宗竟然得一招可以直接減血既技=-=

aol505930

我完全明白因為一早我就係咁諗

mokahim

有得補血嫁,小朋友==

chsl1011

有得補血嫁,小朋友==
mokahim 發表於 16-8-2009 17:12

好多謝你既意見，不過與你素未謀面，唔知你又憑咩去話人係"小朋友"?同話邊個係小朋友?
呢度個個發言過既都係話天羅傘對毒宗既弊處，你冇其他意見就只係話"有得補血". 我諗係玩家都知咩係補血，就係唔知你講緊咩既補血，玩家自己定係隻神獸?

用過天羅傘既人都知佢可以自動補血，唔知你明唔明呢d points.
第1: 毒宗人士可以用神獸擋怪，自己本身可以唔駛食好多hp水打怪升等，天羅傘令毒宗人士遠攻變近攻，變相令本身防低又冇補血技(100lv技同絕招例外)既毒宗食多好多hp水黎掛天羅傘，神獸又失去佢擋怪既功能。

第2: 天羅傘既食水指標係用玩家自身既血量同mp黎自動食水。 而且食既水都係玩家既hp mp水，唔知你知唔知神獸有佢自己專用既hp mp水? 天羅傘根本冇支援呢樣野。

第3: 毒宗既唯一神獸補血技就算要出，都係俾天羅傘定左係"玩家自身血量/mp量低於幾多% 或 受到n人圍攻時"先可以出，又唔可以放係一般攻擊技能度(唔該自己試下)， 咁我想問我自身既hp mp 同隻神獸既hp mp 量有咩關係? 係唔係如果我hp mp都係滿晒但係隻神獸瀕死都唔會出技同食神獸水?

MiChing

我都是毒宗，好明白你指的是什麼問題~~
我之前不會用天羅傘，用過之後都覺得好無奈。
毒宗本身血少物理防同近攻攻擊力好低，因為好多技能都是遠攻而且是內功傷害，所以我玩全精神(否則全力我不如玩武宗)。我的神獸都 ...
chsl1011 發表於 16-8-2009 10:08

地獄毒功主要for毒反爆多d-.-

pau_2000

哈...chsl1011玩家似乎對天羅傘的弊處也有相當深的感受啊...
我也很感謝各位對我的支持....
此外我也不知道有什麼可將問題反映至官方的途徑...
如有玩家知道,敬請告知. 謝謝

銘~=]

如果可以set多一樣......(神獸先攻擊)
咁就好好多....咁我就5洗放棄毒宗= =